Yamal
2015-2016

Ненэй нянэцяӈэ Я мал’ няна невхад иленя ненэця» пыхыдодо’ нюмдеби». Тикы хавна 2015-2016 похона хойхана этнографической экспедиция ӈэӈгу. Нюмда  «Ненэй ненэця″». Проектхана манзарана», тюку сайтм’ манэсарманда хибя» ӈоб’ по’ ёльцянд тыбэрци’ мяд терӈэ ханта». Арктика’ тер» илам’ мюданда манэтадо’.

 

Ты’ саполана’ иры’ 28 яляхана Салехардахана выӈгана илена ты’ пэрти ненэцие’ ед таславы хэбидя яля н,ась. Тарем хамеда Н,эрм’, Сибирь’ няна тикы яля ненадо хэбидя ялян,э толабада. Мале ӈахакуй похот советской ила мальн,гэхэт таняна яля. Хэвы юр’ по’ (век’) пуданахад тикы ялям’ теда ханзер мэн,ава’’, тарем мэць пявэдо’. Сян по хэбтаӈо, маня’’ Ямал’ терӈэ сямянхат ӈатена ялява’’. Етя луца падаркана таславы яляда яӈгу. Хусувэй районхана харто’ мале ӈахакуд таславы яляхана мэӈадо’. Тикы яля яра’ иры’ еркы яляхад мэць пясетыдо’. сямян ӈахана илена, итя ӈабтеня ид хэвхана мюсерта тыбэртя’’ ты’ ниць ирыхына тикы ялямдо’ мэцэтыдо’. Хэбидя яляна хойхана илена ненэця’’ ныхыдо’ мэн,а’’, паныдо’ манэлабтамби’’, нидо’ ядабтамби’’, тарана н,аводамдо’ тэмдаби’’. Салехардахана тыбэрти’ ялян’ хуркари тэнзм’ мэта хибя’’ малюрн,а’’: ненэй ненэця’’, хаби’’, н,ысма’’. Хурка н,эбта н,од тэбэрти’ вадавна тикы хэбидя яля харад’ тер няюцей сядон,а: маркана илена хибя’’ н,об тарем тикы ялям’ ёльце мэнедо’.

IMG 0551

 

Салехардахана хэбидя ялям’ Полябта’ яха’ салаба’  ниня н,эсьты, харад’ иба сей’ няюна. Хэбидя ялян’ турти’ ед мядо’ мярсеты’’.

IMG 0595

Ерво’ ед сертавы мяд

IMG 0563

Салехардахана нюдямбой хардаха’’ манэкава тыбэрця’’ харад’ терхад тянёць’’. Пыдо ты н,эхэна, снегоходхана турн,а’’. Мирад’ ед ханханато’ едэйкован харвана ненэцие’ едэйкултамби’’ тикы хавна нертен,гурн,а’’

IMG 0565

 

IMG 0585

IMG 0603

IMG 0637

Хойхад товы ненэця’’ ты’ н,амзи, халэ, ханеди’ н,амзи, ты’ хобад сертавы н,аво’ тэмдарамби’’

IMG 0641

IMG 0638

Хой’ тер’ не хэбидя яляхана едэй ембдярто’ тохоцяд’’ тэмда пирта’’. ЯНАО’Приуральской районхана не’ ембдярканато’ Средней Азия’, Китай’ няд тэвравы падвы, ябереня тохоця’’ мэн,а’’

IMG 0629

 

IMG 0648

Н,ысма’ не пэ’ хоювна мюсерта ненэй не’’ тотрев, сыра ёльцьн,гана мальци’ мэн,а’’. Мальцито’ сёбя сэр, нимнянда падвы тан,гана серибтимбидо’

IMG 0614

IMG 0696

IMG 0591

IMG 0663

Сямянхат савовна маниенидо’ тэхэна пирдырма

IMG 0689

IMG 0669

IMG 0616

Саць н,арка матоцэй. Салехардахана тюку по небой’ тотрев Матвей Салиндер матон,адась

Добавить комментарий

Имя
E-mail
Телефон
Тема
Комментарий
Оценка
Показать другое число
Контрольное число*