Ненэй нянэцяӈэ Я’ мал’ няна невхад иленя ненэця» пыхыдодо’ нюмдеби». Тикы хавна 2015-2016 похона хойхана этнографической экспедиция ӈэӈгу. Нюмда «Ненэй ненэця″». Проектхана манзарана», тюку сайтм’ манэсарманда хибя» ӈоб’ по’ ёльцянд тыбэрци’ мяд терӈэ ханта». Арктика’ тер» илам’ мюданда манэтадо’.
Неняӈг᾽᾽- пилё᾽᾽ ирыхына ӈацекына᾽᾽ ты᾽᾽ няна мэ. Таняна яркола᾽᾽, пилё᾽᾽ хадаби᾽᾽. Тохолкулаваханана᾽᾽ та᾽ ня᾽᾽амна лаханакурӈава᾽᾽
Та᾽ ня᾽᾽амна сертавы аппликация᾽᾽:
Тэраӈгуромахадана᾽᾽ группаханани тянё ӈацекы хаи. Хэвандо᾽ нерня аппликацияхана мяд сертабиваць᾽᾽.
Пилё᾽᾽ иры᾽ 21 яляхана паднана ӈацекына᾽᾽ тиртя ӈанона Яр-Сален᾽ ханэйдонзь᾽᾽.
Нюдяко ӈацекы « тохолкулва тамна тяха манзара. Хурка ӈэбта ӈо тодо потна ӈацекы᾽᾽ тохоламбава ныхы мян сер вуни ӈа. Хасавако школан᾽ хэванзь хамеку, няхар᾽᾽ си᾽᾽ив᾽ (неделя᾽) хэмяд ӈани паднана ӈацекы « нита᾽᾽ ня мале тиртя ӈано паднаванзь ханаӈгуда. 3-4 потна ӈацекыни᾽᾽ сянаковам᾽ нядмяць тохолку, тарем та᾽ ня᾽᾽амна ӈэда тематикам᾽ мэӈава᾽᾽. Етри группахана едэй тохолкода᾽᾽ нялаӈга᾽᾽. Нерде᾽ няна едэй ӈацекы᾽᾽ сядоларюта᾽᾽, пунав тохолко варемдо᾽ мэлаӈга᾽᾽.
Ти, тарем пихиня тохолкува᾽᾽. Тохолковава᾽᾽ ет хибярихина илека сер᾽᾽. Ӈамдсетыва «, тикана сянпой сыртадва᾽᾽ ӈадимдеты᾽᾽.
Халяко᾽᾽ сертаваць᾽᾽. Семенко манзаида манэлабтамби:
Никита халякомда манэлабтамби:
(нажмите «Читать полностью»):
Халяко᾽᾽ сертабива᾽᾽:
Тасий тадта᾽᾽ма᾽ еркана маниенаюда᾽ Игорек няби ирида Саволи Подович:
Ӈа᾽᾽ӈо ти миндя:
Пэдавако сыраць саир᾽᾽:
Хасавако᾽ халя:
Семен теняком᾽ падтамба варемда мэӈа:
: Маша Худи падна:
Пэдавако:
Александра хойхы воспитатель:
Тюкона хойняна нюдяко ӈацекы᾽ тохолколава᾽ ня᾽᾽амна лаханава᾽᾽. Тохолко минва яляна ӈамдӈгава᾽᾽. Иба яляна пихиня тохолкосьтыва᾽᾽.
Нюдяко Надя няби Маша, хэвхананди᾽ мэна Альбина. Пыда тохолколава᾽ воспитательм᾽ АлександраТерехинам᾽ нядабада:
Ӈацекы᾽ поӈгана ӈамдёда Александра Терехина, пыда нюдяко ӈацекы᾽ тохолколава᾽ воспитатель:
Ямдаванзь мэйна᾽᾽. Хасавако алфавитм᾽ тензебтемби, хэвхананда ӈамдёда᾽᾽ Александра, Аля, Пэдава:
(нажмите «Читать полностью»)
Ня’’анда тензебтембими сидя ӈацекы ӈамдё хаёвы Маманькаха Начехэ няна мэӈаха’. Теда нянани тохолкода Оля (пыда 2 классм’ ёльцевы), ӈанидо’ пыдара’’ мале теневыда’’. Тикы’’ Хасавако, Семен, Пэдава.
Мюсерма паӈохона тохолко нива’’ ӈамдор’’. Ӈаркамбой ӈацекыма’’алняданчурӈа’’: иням’ нямби’’, ты’’ вад’ мю тюлеби’’, ӈамгэри’’ тэваби’’.
Минва яляхана тохолкулвава таславы программавна манзара. Школахана тохолковы ӈацекы (Яна, Оля, Едэйко) сие ниць’ иры’ пуданахана тэврайдонзь’’. Оля’ ня паднавам’, тохолаӈговам’пэрӈани, ненэйвавна толаӈгова савовна манэсарць тара.
Хасавако цифра’’ падыби, Оля существительной’’, глагол’’ тасламби
Семенка «буранм’» сертавы
Мюсемахадана» нябимдей яля’ хэмяхад (сие ниць’ иры’ 10 яляхана) нюдяко ӈацекы’ тохолколава манзара пэяць. Ямальской районхана тарем паднана мале» тет группа.Тикы группа» бригадахана ӈа», хусувэй группахана харта ёльцьмян ӈацекы» тохолку». Маня» группава» харто мюсерта нэнэцие’ поӈгана нерденя тарця группа. Мутрада тарця: хусувэй по’ вэкна тохолкода ӈацекы» ханта», ханяӈыдо’ турта». Мань теда няхар» ӈацекым’ тохоламбидм’ (мяни’ ервха’ ню»), тикы Хасавако (6 пода), Семен (5 пода), Пэдава (3 пода), тад нерня толкодини’ ӈокамда». Хойняна ӈэда нюдяко ӈацекы’ тохолколавахана учитель пэрцида хуркари тохолкода». Пыда тохоламбдида ӈацекыда повнандо’ ӈоб ӈарас ниӈа «, хусувэй ӈацекы харта пиртямда тохоламби.
